Kepusax

(Sasak.org) Senin, 10 Maret 2008 01:00

Aox aneh mule menu tatix
Sekolah ndexm pacu brajah ndem kulu
Lalom bae milu berau pade talet jagung puntix
Ye ntan rajin adexm ndax jari dengan milu

Mbe jax langan te sugul
Selapux rurung te suki six dengan sugi
Lamun ngeraos belo marax kul kul
Ngonex onex bis selapux pepe jari rugi

Sai mele pilex maling jari datu
Bagiang keping dit te janjiang ambur
Lemax jelo mudi jaxm pade kelax batu
Kelelah nganti janji jangke selapux tame kubur

Suruxm ngaji ngkahang pade ngambar
Kelaex idapne ndex bedait six kyai bajang
Nyeken mele jari datu, ye ampoxn bilin mimbar
Berembe bae tadahn nane, makat gumi jari awang

Jogjakarta

Hazairin R. JUNEP