Faktor julux six produksi

(Sasak.org) Sabtu, 07 Juni 2008 01:00

Mushe muni lex anakne: - Anakke sax solah, nane jax wayem merarix kance dedare sax ke pilexangm. Anakne nimbal:- Lagux amax, aku jax merarix kance dedare kemelexanku. - Anakke tunax male, dedare sine anak Bill Gates. -_Aox, lamun meno jax Amax.

Terus Mushe lalo bedait kance Bill Gates. Mushe muni tipax Bill Gates: - Bill, aku beduwe terune sax cocok gati jari semamax anakm. Bill Gates nimbal: - Lasingan anakke masi kodex ndexman wayen merarix dengan! – Inix doang, lagux kanak bajang senuxn ye jari wakil direktor Bank Dunie. - Lamun meno jax bau te atur laun, lemax ke kedex anakke adexn mele, ongkat Bill Gates.

Meno jarin, Mushe terusne bedait kance Presiden Bank Dunie. Wahne sax kenalang dirixn, muni ye tipax amax presiden no: - Amax presiden, aku beduwe kanak bajang sax ke rekomendasiang sax paling cocok jari wakil presiden bank senixn.

Amax presiden nimbalin: - lagux wah luwex wakilke, malah kelebihan olex sax teperluang! - Mene entan amax presiden, kanak bajang senuxn, ye menantun Bill Gates, menu ampoxke badaxde. -Ssssseberax julux, aox aneh, jax ke bahasen bareh…

Wallahualam bissawab,
Marax meno dait ampure,
Sax ikhlas,
Hazairin R. JUNE