Mulud

(sasak.org) Rabu, 19 Maret 2008 01:00

kanak kanak bekerarian,
pade rerex dit besual
adexang bae ngkah de bingung
seberax malix jax mangan begibung

ares……ke meres
urap…..six maikn jangke ndex ketaox ongkat
plecing….awas bareh mudi ngkahm bikas
plalah……periapan sedunie jari kurang t'engat

tuan guru ulex jaux renggi belexn senyiru,
puntix sekeraro dait ares sebaskom
dengan desa songel raosang kyain,
sax besenina mpat, bale belex, gowah bangket

sejelo sene dengan mangan marax ngamuk,
sengax kason mangan duwe jelo sekali
lemax kelemax mulai ne jeleng,
selapux bih te kadu nyadek bareng segumi

mulud dateng marax temue,
nganggux ntan bis pekare
mun wah sepi marax biase,
semeton jari bacux pesaje

per timux saling ayat, perkare kunut
per bat saling asux sengax ngebang duwe reban
per laux ndexne besapax tahlil pekareang
per daye bejaguran kerna kafirang dengan

ape raosangm pade mulud,
badaxang mbutengang mesjid siyu
piran kerantex hikmahn
wah lupax te pade six kelaexne taon gajah

penox taon ilang jelo, ngotok
ahad inggas bulan keselem, momot
ulan tiwox selun setaon, pecok
anteh kebian jaxm nyesel mun wah ngesot

Jogjakarta, 19.03.08 18.40 WIB

Hazairin R. JUNEP